Норвегия Олий суди АҚШ махсус хизматлари собиқ ходими Эдвард Сноуденнинг апелляциясини рад этди, деб ёзади «ТАСС». У маҳаллий ПЕН-клубнинг унга сўз эркинлигига қўшган ҳиссаси учун ажратилган мукофотни олиш мақсадида Норвегияга бориш ҳуқуқи учун курашмоқда.
Сноуден Норвегия ҳудудига киргач, уни Америка ҳукуматига топширмасликлари учун кафолат олишга уринмоқда. Мамлакат адлия ва жамоатчилик хавфсизлиги вазирлиги таъкидлашича, бундай кафолатни бериш мумкин эмас. Аввалроқ Норвегиядаги иккита суд Сноуден шу масалада Норвегия давлатига қарши берган даъвони кўриб чиқишдан бош тортган эди.
Мамлакат олий суд органи қарорида Осло округ суди ва Апелляция судининг позициялари тасдиқланган, улар Сноуденни тутиб бериш ҳақида расмий сўров келиб тушмагунича ва унинг ўзи бошқа мамлакат ҳудудида бўлиб турган вақтида экстрадиция масаласини суд тартибида кўриб чиқиш мумкин эмас, деб ҳисоблайди.
Даъвогарнинг адвокатлари суд унинг экстрадиция қилиниши имконияти олдиндан Норвегия қонунларига зид деб тан олинишига эришишга уринаётган эди, чунки Америка махсус хизматлари сирларини ошкор қилган Сноуден сиёсий мотивлар бўйича таъқиб қилинмоқда.
Изоҳ (0)