Россиянинг Магадан шаҳрида, тахминларга кўра, итларнинг ҳужуми оқибатида аёлнинг ҳалок бўлиши юзасидан тергов иши бошланди, деб хабар бермоқда «ТАСС».

«2016 йилнинг 22 ноябрь куни Магадан шаҳридаги уйлардан бирида зўравонлик аломатлари билан ҳалок бўлган аёлнинг жасади топилгани ҳақида полиция навбатчи қисмига хабар келиб тушди. 1955 йили таваллуд топган магаданлик аёлнинг жасадини текшириш вақтида танасида итларнинг ҳужумига хос йиртиқ яралар аниқланди. Тахминларга кўра, аёл итларнинг ҳужуми оқибатида вафот этган», – дейилади хабарда.

Магадан бўйича Тергов бўлими суриштирув олдидан текширув ишларини бошлаб юборди. Дастлабки маълумотларга кўра, аёл 21 ноябрь куни кечга яқин уйга қайтаётган эди. У яшайдиган уй олдида битта ит ёки итлар тўдаси аёлга ҳужум қилган. Итларнинг тишлаши оқибатида аёл ўз уйида жон берди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.