Қозонда Конфедерациялар Кубоги–2017 қуръа маросимининг тайёргарлик жараёни бўлиб ўтди

Россиянинг Қозон шаҳридаги теннис академиясида Конфедерациялар Кубоги–2017 турнирига қуръа ташлаш маросимининг тайёргарлик жараёни бўлиб ўтди, деб хабар бермоқда «ТАСС».

Раққослар маросим вақтида бўлиб ўтадиган чиқишларни репетиция қилди. Маросимда мусобақанинг расмий тўпи – «Красава»дан фойдаланилади. Шунингдек, ЖЧ–2018 тимсоли – бўри Забивака ҳам қуръа ташлаш маросимида иштирок этади.

Бундан ташқари, тайёргарлик жараёнида телебошловчи Андрей Малахов, Бразилия термаси сафида Конфедерациялар Кубогининг икки карра соҳиби Жулио Баптиста, ЖЧ–2018 элчиси Елена Исинбаева ва Россия термасининг собиқ футболчиси Сергей Семак қатнашди.

Ташкилотчиларнинг қайд этишича, репетиция режага кўра муваффақиятли ўтди.

Маълумот учун, Конфедерациялар Кубоги–2017 турнирига қуръа ташлаш маросими 26 ноябрь куни Тошкент вақти билан соат 20:00 да бошланади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.