Франциянинг Bouygues SA компанияси асфальт ўрнига махсус қуёш батареялари ўрнатиладиган келажак йўлларини қурмоқчи, деб ёзади «Корреспондент.net».
Махсус қуёш батареялари юқори даражада мустаҳкам ҳимоя қопламига эга бўлиб, 18 тоннали юк машинасини кўтара олади. Ишлаб чиқувчилар ҳисоб-китобига кўра, 28 минг квадрат метр майдонли йўл қопламаси 280 кВт/соат электр энергияси билан таъминлайди.
Нормандияда янги йўлнинг бир километрли қисмини қуриш бошлаб юборилди. Бундан ташқари, Канаданинг Калгари шаҳри ва Американинг Жоржия штати ҳам бундай келажак йўллари буюртмачисига айланди.
Бундай йўлнинг ҳар бир квадрат метрининг дастлабки нархи 2000—2500 еврога тенг, аммо ялпи ишлаб чиқариш натижасида у пасайиши мумкин.
Изоҳ (0)