Америкалик уни адашиб Шукроналик кунига таклиф қилган бегона бувиникига меҳмонга келди

16 ноябрь куни 17 ёшли Жамал Хинтон нотаниш кишилар гуруҳидаги чатдан хабар олди. Унда нотаниш аёл уни Шукроналик куни муносабати билан кечки овқатга таклиф қилган эди, деб ёзади TJournal.

Унинг ким таклиф қилаётганлиги ҳақидаги саволга «Бувинг» деган жавоб олди.

Жамал «бувисига» селфисини юборгандан сўнг, аёл адашганлигини тушуниб етди.  Йигитнинг кечки овқатга қўшилиш мумкинми деган саволига аёл «Ҳа, албатта. Ахир барчани овқатлантириш бувиларнинг иши», деб жавоб қайтарди.

Жамал Twitter’даги саҳифасига жойлаган скриншот бир неча кун давомида 200 мингдан ортиқ ретвит тўплади.

Воқеадан бир ҳафта ўтиб, Жамал Ванданикига меҳмонга келди. У, шунингдек, «бувиси»нинг телефон рақамини яширмасдан скриншотларни чоп этганлиги учун узр сўради.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.