Молдова президенти сайловида Европа тарафдорларининг ягона номзоди сифатида иштирок этиб, Игорь Додондан мағлуб бўлган Майя Санду сайлов натижаларини шубҳа остига олишни мақсад қилмоқда. Унинг фикрича, сайлов жараёни қонунбузарликлар билан ўтди, деб хабар бермоқда «ТАСС».
«Сайлов жараёнида қонун бузилганини тасдиқловчи кўплаб далиллар мавжуд, бу эса сайловнинг дастлабки натижаларини шубҳа остига қўйиш учун етарлидир. Биз бу натижага ишонмаймиз ва адолат қарор топиши учун қўлимиздан келган ҳамма ишни қиламиз», — дейилади Сандунинг баёнотида.
Сиёсатчининг таъкидлашича, Молдова давлат идоралари эркин ва адолатли сайловни таъминлаб бера олмади.
Изоҳ (0)