WADA допинг қабул қилган спортчиларни жиноий жавобгарликка тортишга қарши чиқди

Бутунжаҳон антидопинг агентлиги (WADA) допинг қабул қилган спортчиларни жиноий жавобгарликка тортишга қарши чиқди. Бу ҳақда «ТАСС» хабар бермоқда.

3 ноябрь, пайшанба куни Россия Давлат Думаси допинг қабул қилган спортчиларни жиноий жавобгарликка тортиш тўғрисида қонун қабул қилди.

«WADA допинг қабул қилган спортчиларни жиноий жавобгарликка тортиш тўғрисидаги қонунни мамлакатларда жорий этилиши керак деб ҳисобламайди, аммо бундай қонунлар тақиқланган препаратларни тарқатувчиларни самаралироқ аниқлашга ёрдам беришини тан оламиз. Қамоққа тушиш хавфи бўлганда, одамлар антидопинг ташкилотлар билан фаолроқ ҳамкорлик қилади», – деди «ТАСС»нинг WADA’даги суҳбатдоши.