Хонанда Райҳон иккинчи марта оила қураётгани ҳақида хабарлар пайдо бўлганида, унинг бошловчи Фарҳод Алимов билан тўйи 29 октябрда, чет элда бўлиб ўтиши мумкинлиги айтилган эди. Бироқ кейинроқ Фарҳод Алимов тўйнинг бошқа санада бўлишини маълум қилди, қаерда бўлиши ҳали номаълум эканини айтди.
Сўнгги маълумотларга кўра, Фарҳод Алимов ва Райҳоннинг тўйи ноябрь ёки декабрь ойида бўлиб ўтиши мумкин. «Qalampir.uz»нинг ёзишича, Райҳоннинг хавфсизлигини таъминлаш мақсадида, маросимни тор доирада ўтказиш режалаштирилмоқда.
«Тўй ҳақида эшитган дўстларим, таниш-билишлар мендан ‘Тўйга айтмабсан’, деб хафа бўлишяпти. Очиғи, одамларга ‘Райҳон билан тўйимиз 29 октябрь куни бўлаётгани йўқ’, деб чарчадим», — дейди Фарҳод Алимов.
«Райҳоннинг биринчи никоҳ тўйида мухлислари ресторандаги чироқларни синдирган, Райҳонни кўраман деб унинг кўйлагига зарар етказган. Шундай кўнгилсизликларнинг олдини олиш учун ҳам тўй ҳақида ҳеч кимга маълумот беришни истамадим», — дейди бошловчи.
«Тадбир яқинлар, дўстлар даврасида ўтказилса, менимча, мақсадга мувофиқ бўлади. Ҳозирча тўй қай тарзда, қаерда ўтиши ҳақида бирор нима дейишим қийин. Балки чет давлатда, кичик кўринишда, дўстлар даврасида ўтказармиз», — дейди Фарҳод Алимов.
Октябрь ойи охирида Райҳон иккинчи марта оила қуриши мумкинлиги ҳақида хабарлар тарқалди. У 29 октябрь куни чет элда бўлиши айтилган тўй маросимида таниқли бошловчи Фарҳод Алимовга турмушга чиқиши айтилди. Бироқ кейинроқ тўй санаси ва жойи ҳақидаги хабарлар Фарҳод Алимовнинг ўзи томонидан рад этилди.Маълумот учун, Йигитали ва Райҳоннинг тўйи 2012 йил ноябрида бўлиб ўтган. 2014 йил май ойида улар эгизак фарзандли бўлган. 2015 йил 9 январида Райҳон ажрашиш учун ариза бергани, 2016 йил май ойида эса уларнинг никоҳи расман бекор бўлгани маълум бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)