Россия пойтахти Москвада Ўзбекистоннинг Биринчи Президенти Ислом Каримовга ҳайкал ўрнатиш масаласи шаҳар думаси ҳузуридаги монументал санъат комиссиясининг 8 декабрдаги йиғилишида кўриб чиқилади. «ТАСС»нинг комиссия раиси, Россияда хизмат кўрсатган меъмор Игорь Воскресенскийга таяниб ёзишича, масала ижобий ҳал бўлиши эҳтимоли жуда юқори.
Ислом Каримовга ҳайкал ўрнатиш таклифи билан Москва ҳокимиятига Ўзбекистон элчихонаси мурожаат қилди.
«Эндиликда Москва ҳокимияти бу масала билан бизга чиқди. Бу масала ижобий ҳал бўлишига шубҳа қилмайман, негаки у давлатлараро даражада муҳокама қилинган», — деди Воскресенский.
Унинг сўзларига қараганда, ёдгорлик Полянка кўчаси яқинида, элчихона олдида жойлашган, Ислом Каримов номидаги хиёбонда ўрнатилади.
Изоҳ (0)