Испаниянинг машҳур Marca нашри ўз ўқувчилари орасида «Олтин тўп–2016» мукофотига ким кўпроқ лойиқлиги борасида сўровнома ўтказди, деб хабар бермоқда «Sports.ru».
Унга кўра, респондентларнинг 50,13 фоизи «Барселона» ҳужумчиси Лионель Месси номзодини қўллаб-қувватлади. «Реал» етакчиси Криштиану Роналду эса 31,90 фоиз овоз тўплади.
Қолган номзодлар 4 ва ундан камроқ фоиз овоз тўплади.
Маълумот учун, Криштиану Роналду 2015/16 йилги мавсум якунларига кўра «Реал» сафида ЕЧЛ ғолиби бўлди. Португалия термаси билан эса Европа чемпионига айланди.
Лионель Месси ўтган мавсумда «Барселона» билан Испания чемпионлигини қўлга киритди. Аргентина термаси сафида Америка Кубоги–2016 нинг финалига қадар етиб борган Месси кумуш медаль билан чекланган эди.
Изоҳ (0)