Осиё Чемпионати U19. Жанубий Корея мезбон Баҳрайн устидан иродали ғалабага эришди

Баҳрайн мезбонлик қилаётган ёшлар ўртасидаги Осиё Чемпионатининг «А» гуруҳида 2-тур ўйинлари ўз якунига етди.

Мусобақани Таиландни 3:1 ҳисобида мағлуб этиш билан бошлаган Жанубий Корея, 2-турда Баҳрайндан устун келди — 2:1. Саудия Арабистони эса Таиланд дарвозасига жавобсиз 4 та гол урди.

Гуруҳда Жанубий Корея 6 очко билан пешқадам. Саудия ва Баҳрайн ҳисобида 3 тадан очко бор. 19 октябр куни Баҳрайн Таиланд билан ўйнаса, Жанубий Корея ва Саудия ўзаро саф тортади.

Маълумот учун, Ўзбекистон ёшлар терма жамоаси Осиё Чемпионатини Тожикистонни мағлуб этиш билан бошлаганди. Жасур Абдураимов бошчилик қилаётган жамоа 2-турни 18 октябрь куни Австралияга қарши ўтказади. Австралия 1-турда Хитойни 1:0 ҳисобида мағлуб этганди.

Осиё Чемпионати U19 «А» гуруҳи. 2-тур 16 октябрь, якшанба

Саудия Арабистони — Таиланд 4:0

Баҳрайн — Жанубий Корея 1:2