«Симпсонлар» мультсериалининг 600-қисмида Гомер Россия президенти Владимир Путин билан муштлашди. Серия лавҳаси YouTube’да эълон қилинган, дея хабар бермоқда Meduza.
Воқеа сайлов участкасида юз беради. Гомер «нима қилган тақдирда ҳам эрини кечира оладиган номзод»га (Ҳиллари Клинтонни назарда тутган ҳолда) овоз бериш учун келади. Сайлов участкасида у билан бир эркак суҳбатлашади, у Гомерни Дональд Трампга овоз беришга ундайди. Эркакнинг фикрича, Трамп яхши бизнесмен ва қонуний равишда солиқ тўламасликни эплай олади.
Бунга жавобан Гомер олти марта банкрот бўлган кишига мамлакатни ишониб топширишга тайёр эмаслигини айтади. «У мендан икки баробар кўпроқ банкрот бўлган!», — дея эътироз билдиради Симпсонлар оиласи раҳбари. Шунда унинг суҳбатдоши бундай дейди: «У ҳаддан ташқари кўп овқат ейдиган гўзаллик маликаларини ҳимоя қилиш учун девор қуради. Қўшимчасига, унда Россияни яна буюк мамлакатга айлантира оладиган режа бор».
Шу вақт Гомер унинг қаршисидаги одам оддий сайловчи эмаслигини тушуниб етади ва у билан муштлаша бошлайди. Жанг вақтида Гомер эркакнинг ниқобини юлиб олади ва унинг суҳбатдоши Владимир Путин экани маълум бўлади. У ҳатто сайловчилар ҳам рўйхатига ҳам киритилгани ойдинлашади. Путин овоз бергани кириб кетади ва кейин орқадан — кийимчан ва от минган ҳолда чиқиб келади. У Гомернинг овози ҳеч нарсани ҳал қилмаслиги, чунки россиялик хакерлар Трампга керакли натижани чиқариб беришини айтади. Путиннинг ваъда беришича, Трамп сайловда 102 фоиз овоз олади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)