АПЛ. Гвардиоланинг икки шогирди пенальти ура олмади, «Тоттенҳэм» очко йўқотди, «Арсенал» ва «Челси»да ғалаба (видео)

Футбол бўйича Англия Премьер-Лигасининг 8-туридан жой олган етти учрашувга якун ясалди.

Жорий мавсум мағлубият нима эканини билмай келаётган ягона жамоа бўлиб турган «Тоттенҳэм» очко йўқотди. «Шпорлар»нинг собиқ футболчиси Насер Шадли 82-дақиқада ҳисобни очган ўйинда, орадан 7 дақиқа ўтиб Деле Алли Лондон клубини мағлубиятдан қутқариб қолди.

Лига пешқадами бўлиб турган «Манчестер Сити» эса ўз майдонида Роналд Куманнинг «Эвертон»ини мағлуб эта олмади. Беллашувда Кевин де Брюйне ва Серхио Агуэро каби футболчилар томонидан берилган 11 метрлик жарима зарбаларини Мартен Стекеленбург қайтариб юборишга муваффақ бўлди.

Лондоннинг «Арсенал» клуби ўз майдонида қийин ғалабани қўлга киритди. «Суонси»га қарши беллашувнинг 70-дақиқасида бош ҳакам Жонатан Мосс Гранит Жакага қизил карточка кўрсатди. Шунга қарамай «тўпчилар» ҳисобдаги устунликни сақлаб қола олди.

Куннинг марказий ўйини «Стемфорд Бридж» стадионида ўтиб, «Челси» амалдаги чемпион «Лестер»га имконият қолдирмади — 3:0.

Англия Премьер-Лигаси 8-тур беллашувлари 15 октябрь, шанба

«Челси» — «Лестер» 3:0

Голлар: Диего Коста, 7 (1:0). Эден Азар, 33 (2:0). Виктор Мозес, 80 (3:0).

«Арсенал» — «Суонси» 3:2

Голлар: Тео Уолкотт, 26 (1:0). Тео Уолкотт, 33 (2:0). Гилфи Сигурдссон, 39 (2:1). Месут Ўзил, 57 (3:1). Борха Бастон, 66 (3:2).Четлатиш: Гранит Жака, 70 (А).

«Борнмут» — «Халл Сити» 6:1

Голлар: Чарли Дениелс, 5 (1:0). Райан Мейсон, 34 (1:1). Стив Кук, 41 (2:1). Жуниор Станислас, 45- пен (3:1). Жуниор Станислас, 65 (4:1). Каллум Уилсон, 83 (5:1). Ден Гослинг, 88 (6:1).

«Вест Бромвич» — «Тоттенҳэм» 1:1

Голлар: Насер Шадли, 82 (1:0). Деле Алли, 89 (1:1).

«Манчестер Сити» — «Эвертон» 1:1

Голлар: Ромелу Лукаку, 64 (0:1). Нолито, 72 (1:1).Ноаниқ пенальтилар: Кевин де Брюйне, 43 (М). Серхио Агуэро, 70 (М).

«Сток Сити» — «Сандерленд» 2:0

Голлар: Жо Аллен, 8 (1:0). Жо Аллен, 45+1 (2:0).

«Кристал Пэлас» — «Вест Ҳэм» 0:1

Гол: Мануэль Лансини, 19 (0:1).Ноаниқ пенальти: Кристиан Бентеке, 45+1 (К).Четлатиш: Аарон Крессуэлл, 75 (V).

16 октябрь, якшанба«Мидлсбро» — «Уотфорд»«Саутгемптон» — «Бёрнли»

17 октябрь, душанба«Ливерпуль» — «Манчестер Юнайтед»