Galaxy Note 7 смартфонларини ишлаб чиқариш ва сотишдан воз кечиш жорий ҳамда келгуси чоракда Samsung Electronics учун 3 миллиард доллар атрофида зарар келтиради. Бу ҳақда 14 октябрь, жума куни компания вакиллари маълум қилди, дея хабар беради «Ведомости».
Муаммоли модель қайтариб олиниши билан боғлиқ умумий зиён Samsung томонидан камида 5,3 миллиард долларга баҳоланмоқда. Note 7 туфайли компания октябрь—декабрда 2 триллион, январь—мартда эса яна 1 триллион вон йўқотади.
Samsung ўз маҳсулотлари хавфсизлиги ва сифатини текшириш жараёнини ўзгартиришни ваъда қилди. Бунинг қандай амалга оширилиши ошкор этилмади.
Note 7 қайтариб олиниши туфайли кўрилган зарарни қоплаш учун компания шу йил баҳорда чиқарилган Galaxy’нинг икки бошқа модели — Galaxy S7 ва Galaxy S7 Edge сотувини кенгайтиришни режалаштирмоқда.
Изоҳ (0)