Ўзбекистон миллий терма жамоасининг 15 ноябрь куни бўлиб ўтадиган Жанубий Кореяга қарши ўйини аввал белгилаб қўйилганидек Сеонгвипо шаҳрида эмас, балки пойтахт Сеулда бўлиб ўтади. Бу ҳақда «Стадион» маълумот берди.
ЖЧ—2002 учун қурилган Сеулдаги World Cup Stadium ЖЧ—2018 саралаши доирасидаги беллашувга мезбонлик қилади. У ўз бағрига 66 704 нафар футбол мухлисини сиғдира олади.
Жанубий Корея — Ўзбекистон учрашуви 15 ноябрь куни Тошкент вақти билан 16:00 да старт олади. «А» гуруҳининг ортда қолган 4 та туридан кейин Ўзбекистон гуруҳда 2-ўринни эгаллаб турган бўлса, 2 очко камроқ тўплаган кореялик футболчилар 3-поғонадан жой олган.
Изоҳ (0)