«Барселона» ва «Реал» ўртасидаги «Эль-Класико» санасига ойдинлик киритилди

Испания чемпионати 14-туридан ўрин олган «Барселона» ва «Реал» ўртасидаги учрашув санаси маълум бўлди, деб хабар бермоқда «Чемпионат».

2016/17 йилги мавсумнинг биринчи «Эль-Класико»си 3 декабрь куни «Камп Ноу» стадионида бўлиб ўтади. Учрашув Тошкент вақти билан соат 20:15 да бошланиши режалаштирилган.

«Эль-Класико»нинг аввалгиларга нисбатан вақтли бошланишининг сабаби сифатида Ла Лига президенти Хавьер Тебас кўпроқ даромад олиш кўзда тутилганини кўрсатди.

Бундан ташқари, Хавьер Тебас Испания футбол федерациясига янги президент келиши кераклигини айтди. Унинг сўзларига кўра, бу Испания футболи учун керак.

Ҳозирги кунда Испания футбол федерациясини 66 ёшли Анхель Мария Вильяр бошқариб бормоқда.