АҚШда «Мэттью» довулининг қурбонлари сони 27 кишига етди

АҚШда «Мэттью» довулининг қурбонлари сони 27 кишига етди. Бу ҳақда NBC телеканалига таяниб, «Газета.ru» хабар бермоқда.

Аввалроқ табиий офат оқибатида ҳалок бўлганлар сони 17 кишини ташкил этаётгани ҳақида хабар қилинганди.

Хабарда таъкидланишича, довул оқибатида Шимолий Каролина штатида – 11, Флоридада – 9, Жанубий Каролина ва Жоржияда – 3 нафардан, Виржинияда эса 1 киши ҳаётдан кўз юмди.

Бир миллионга яқин киши ёрдамга муҳтож, Жоржия штатида 124 минг одам электр тармоғисиз қолди.

Метеорологларнинг маълумотига кўра, «Мэттью» ёпирилган штатлардаги дарё сатҳи кўтарилишда давом этмоқда.