ЖЧ—2018. Англия ва Германияда ғалаба, Левандовскидан хет-трик, Арманистон ва Қозоғистонда йирик мағлубият (видео)

ЖЧ—2018 йўлида кураш олиб бораётган Европа мамлакатлари саралашнинг 2-турини тўла якунлади.

«С» гуруҳида Озарбайжон терма жамоаси 2-турдан кейин юз фоизлик натижа қайд этиб турибди. Дастлабки турда Сан-Маринони сафарда 1:0 ҳисобида мағлуб этган озарбайжонлик футболчилар, бу сафар Норвегияни худди шу ҳисобда таслим қилди.

Германия эса 2-турда ҳам 3 та гол фарқи билан зафар қучди. Аввалига Норвегия, кейинроқ эса Чехия терма жамоалари йирик мағлубиятларни айнан немислардан қабул қилиб олди.

ЖЧ—2018 УЕФА саралаши. 2-тур 8 октябрь, шанба

«С» гуруҳи

Озарбайжон — Норвегия 1:0

Гол: Максим Медведев, 11 (1:0).

Германия — Чехия 3:0

Голлар: Томас Мюллер, 13 (1:0). Тони Кроос, 49 (2:0). Томас Мюллер, 65 (3:0).

Шимолий Ирландия — Сан-Марино 4:0

Голлар: Стивен Дэвис, 26-пен (1:0). Кайл Лафферти, 79 (2:0). Жейми Уорд, 85 (3:0). Кайл Лафферти, 90+4 (4:0).Четлатиш: Мирко Палацси, 49 (С).

 

 

 

 

 

«E» гуруҳида кураш нисбатан қизиқарлироқ экани билан ажралиб турибди. 2-турдан кейин бир йўла уч жамоа 4 тадан очко жамғарган.

Мазкур тур «E» зонасида МДҲ мамлакатлари учун омадсиз келди. Аввалига Арманистон, кетидан эса Қозоғистон йирик мағлубиятлар қабул қилиб олди. Бир кун олдин покер қайд этган Криштиану Роналду саралаш тўпурарига айланиб олганди, 8 октябрь куни эса Роберт Левандовски ҳам голлари сонини 4 тага етказиб олди. У 1-тур Қозоғистонда ҳам гол уришнинг уддасидан чиқа олганди.

ЖЧ—2018УЕФА саралаши. 2-тур8 октябрь, шанба

«E» гуруҳи

Арманистон — Руминия 0:5

Голлар: Богдан Станку, 4-пен (0:1). Адриан Попа, 10 (0:2). Резван Марин, 12 (0:3). Николае Станчу, 29 (0:4). Александру Кипчу, 60 (0:5).Четлатиш: Гор Малакян, 3 (А).

Черногория — Қозоғистон 5:0

Голлар: Жарко Томашевич, 24 (1:0). Никола Вукчевич, 59 (2:0). Стеван Йоветич, 64 (3:0). Фатос Бечирай, 73 (4:0). Стефан Савич, 78 (5:0).

Польша — Дания 3:2

Голлар: Роберт Левандовски, 20 (1:0). Роберт Левандовски, 36-пен (2:0). Роберт Левандовски, 48 (3:0). Камил Глик, 49-авт (3:1). Юссуф Поулсен, 69 (3:2).

 

 

 

 

 

Ва ниҳоят «F» гуруҳида Англия терма жамоаси яққол пешқадам бўлиб турибди. 1-турда Сем Эллардайс билан Словакиядаги ғалабани қўлга киритган инглизлар, бу сафар шу мутахассиссиз ҳам зафар қучди.

ЖЧ—2018УЕФА саралаши. 2-тур8 октябрь, шанба

«F» гуруҳи

Англия — Малта 2:0

Голлар: Дениел Старридж, 29 (1:0). Деле Алли, 38 (2:0).

Словения — Словакия 1:0

Гол: Рок Кронаветер, 74 (1:0).

Шотландия — Литва 1:1

Голлар: Фёдор Черних, 59 (0:1). Жеймс Макартур, 89 (1:1).