Ҳиндистоннинг Жамму ва Кашмир штати пойтахти Сринагар расмийлари 12 ёшли бола полиция томонидан ўлдирилганидан сўнг шаҳарда оммавий ғалаёнлар бошлангани туфайли комендантлик соати жорий этди. Бу ҳақда «ТАСС» хабар бермоқда.
NDTV телеканалига кўра, намойишчиларни полиция томонидан тарқатиб юбориш чоғида травматик қуролдан узилган ўқ туфайли 12 ёшли бола ҳалок бўлгач шаҳарда тартибсизликлар бошланган. Гувоҳлар у намойишларда иштирок этмагани, уйининг олдида турганида ўқ текканини таъкидламоқда.
Шундан сўнг оломон ҳукуматга қарши шиорлар билан кўчаларга чиқди. Полиция бўлимлари ва расмий бинолар тошбўрон қилинди, ҳуқуқ-тартибот ходимлари кўздан ёш оқизувчи газ қўллади.
Шаҳарда кескин вазият сақланиб қолмоқда, полиция гуруҳлари кўчаларда патруллашни амалга оширмоқда.
Изоҳ (0)