Ҳиндистон ва Покистон ўртасидаги чегара 2018 йил декабрига қадар тўлалигича тўсиқлар ва бошқа ҳимоя иншоотлари билан таъминланади. Бу ҳақда, Ҳиндистон ички ишлар вазири Ражнатх Сингхнинг сўзларига асосланиб, «ТАСС» хабар бермоқда.
«Мухлат белгиланган. Бу 2018 йил декабрига қадар амалга оширилади. Айни пайтда ҳаракат режасини тузмоқдамиз», — деди у Ажмерда ўтган чегара штат ва минтақалари раҳбарларининг учрашувида.
Айни кунларда икки давлат ўртасидаги муносабатлар яна таранглашган. Ҳар икки томон бир-бирини провокация ва ҳужумларда айбламоқда.
Изоҳ (0)