АҚШнинг ҳайдовчисиз автомобиллар ишлаб чиқарувчи Tesla Motors хусусий компанияси жорий йил учинчи чорагида электромобиллар етказиб беришни ўтган йилнинг шу даврига нисбатан икки баробар кўпайтирди. Бу ҳақда «РБК» хабар бермоқда.
Компания томонидан тарқатилган пресс-релизга кўра, июлдан сентябргача Tesla томонидан 24,5 минг электромобиль сотилди. Улардан 15,8 минги Model S седани ва 8,7 минги Model X кроссоверидир. Бу кўрсаткич шу йилнинг иккинчи чорагига нисбатан 70, 2015 йилнинг шу даврига солиштирганда эса 111 фоизга кўпдир.
Келгуси, тўртинчи чоракда компания машиналар етказиб беришни яна бироз кўпайтириш ва иккинчи ярим йиллик якунлари бўйича 50 мингдан ортиқ автомобиль сотишни режалаштирмоқда.
Изоҳ (0)