Сайловчилар коллегияси Эстония президентини сайлай олмади
Сайловчилар коллегияси Эстониянинг янги президентини сайлай олмади, дея хабар бермоқда «ТАСС». Сайловларнинг иккинчи босқичи якунларига кўра номзодлардан ҳеч бири зарур бўлган 168 та овозни қўлга кирита олмади.
Овоз бериш натижаларига мувофиқ, ҳукмрон коалицияга раҳбарлик қилувчи Ислоҳотлар партияси фахрий раиси Сийм Каллас 138 та овоз тўплади. Унинг рақиби, собиқ адлия канцлери Аллас Йикс 134 та овозга эга бўлди. Яна 57 та бюллетень бўш қолди, учтаси қонуний кучга эга эмас, деб топилди. Икки сайловчи овоз бермади.
Энди 14 кун давомида президент сайловлари мамлакат парламентида ўтказилади.
24 сентябрь куни аввалроқ бўлиб ўтган сайловнинг биринчи босқичида собиқ ташқи ишлар вазири Марина Калюранд сайловчиларнинг 75 та овозини қўлга киритди, Йикс 83 та, Консерватив халқ партияси раиси Март Хельме 16 та, Каллас 81 та, Марказчилар партияси илгари сурган Майлис Репс эса 79 та овоз йиғди.
