АҚШ Давлат котиби Жон Керри БМТ Хавфсизлик кенгашининг Сурияга бағишланган йиғилишида аҳоли объектларига авиазарбалар берилишининг олдини олиш ва тинчлик сулҳини сақлаб қолиш учун мамлакат шимолида парвозлардан ҳоли ҳудудни ташкил этишга чақирди. Бу ҳақда «Ведомости» хабар бермоқда.
«Суриянинг келажаги қил устида турибди. Кенгаш аъзоларини мамлакатда тинчлик ўрнатиш борасидаги ҳаракатларини сусайтирмасликка даъват этаман», — дея таъкидлади Керри.
Шунингдек, Давлат котиби Россия ташқи ишлар вазири Сергей Лавровнинг Сурия бўйича музокаралар олдиндан қўйиладиган шартларсиз ўтказилиши зарурлиги ҳақидаги сўзларига муносабатини билдириб ўтди.
«Ўт очишни тўхтатиш олдиндан қўйилган шарт эмас, халқаро даражадаги келишувдир. Россиялик ҳамкасбимни тинглаб, биз бошқа-бошқа дунёларда яшаётгандек таассурот қолмоқда», — дея эътироз билдирди Керри.
Изоҳ (0)