Беларуснинг Витебск вилояти, Браслав туманида 27 август, шанба куни Че-23М сув самолётининг қулаши оқибатида бир киши ҳалок бўлди, икки киши яраланди. Бу ҳақда мамлакат фавқулодда вазиятлар вазирлиги маълум қилди, деб хабар беради «ТАСС».
«Браслав туманида уч кишилик сув самолёти ҳалокатга учради. Бунинг оқибатида йўловчилардан бири ҳалок бўлди, яна бир йўловчи ва самолёт учувчиси турли жароҳатлар билан касалхонага етказилди», — маълум қилди вазирлик вакиллари.
Беларусь Тергов қўмитасининг аниқлик киритишича, ҳалок бўлган шахс минсклик бўлиб, жароҳатланганлар ҳам мамлакат фуқароси ҳисобланади. Сув самолёти беларуслик тадбиркорга тегишли эди.
Изоҳ (0)