Рио—2016 да 70 нафар спортчи билан иштирок этаётган Ўзбекистон делегацияси сафида боксчи Шаҳрам Ғиёсов кумуш медални қўлга киритди.
Бокснинг 69 килограммгача бўлган спортчилари ўртасидаги мусобақасида иштирок этган Шаҳрам Ғиёсов Риодаги ҳисоб бўйича бешинчи жангида қозоғистонлик Данияр Елеусиновдан енгилди.
Ҳал қилувчи беллашувда у қозоғистонлик рақибига дастлабки икки раундни бой бериб қўйгани учун якунда очколар ҳисоби бўйича ортда қолди.
Шаҳрам Ғиёсов финалга қадар 1/16 финалда испаниялик Юба Сиссокони, 1/8 финалда литвалик Эймантас Станёнисни, 1/4 финалда кубалик Ронел Иглесиасни, 1/2 финалда эса марокашлик Муҳаммад Рабиини мағлуб этишга муваффақ бўлганди.
Қайд этиш керак, ўзбекистонлик спортчи таслим қилган сўнги икки нафар боксчи мос равишда Олимпия ва Жаҳон чемпионлари ҳисобланарди.
Изоҳ (0)