Сурия ва Туркия чегарасидаги портлаш натижасида 15 киши ҳалок бўлди

Сурия ва Туркия чегарасидаги Атме қишлоғида автобус портлаши натижасида 15 киши ҳалок бўлди, деб ёзади «Газета.ru» Reuters’га таяниб.

Хабар берилишича, портлаш автобус Туркия ҳудудига йўл олган вақтда худкуш террорчи томонидан амалга оширилган. Автобус йўловчиларининг катта қисми Сурия мухолифатчи гуруҳларининг жангчилари бўлган.

Портлашда, шунингдек, 25 киши жароҳат олди. Ҳодиса юз берган вазият аниқлаштирилмоқда.