26 март куни 6,176 миллион евро ютиб олган Брюссель фуқароси белгиланган охирги мудат — 13 август, шанба куни ярим тунгача ютуқни олиш учун келмади. Бу ҳақда Бельгия миллий лотереяси матбуот хизмати маълум қилди, дея хабар беради TJournal.
Ташкилотчилар ғолибни топиш учун Франция, Нидерландия ва Германия ОАВлари, мамлакатдаги 3400 дан ортиқ чакана савдо нуқтларида эълонлар жойлаштирди. Ютуққа эга бўлиш истагидаги кишилардан мингдан зиёд қўнғироқ бўлди, юзлаб мактублар олинди, бироқ улар орасида ҳақиқий ғолиб топилмади. Сохта «ғолиблар» улар айнан қаерда ютуқли чиптани харид қилганликлари тўғрисидаги савол чиғириғидан ўтолмади.
Эгаси чиқмаган 6,176 миллион евро лотерея ютуқли фондига қайтарилди. Бу Бельгия миллий лотереяси ташкилотчилари ғолибни тополмаганлиги билан боғлиқ иккинчи ҳолат эканлиги айтилмоқда.
Изоҳ (0)