АПЛ. «Лестер»дан кейин «Тоттенҳэм» ҳам очко йўқотди, Гвардиола ғалаба билан бошлади

Футбол бўйича Англия Премьер-Лигасида 1-турнинг 13 август санасидан жой олган беллашувлари ўз якунига етди.

• АПЛ. Амалдаги чемпион «Лестер» мавсумни дебютант «Халл Сити»дан мағлуб бўлиш билан бошлади

Хосеп Гвардиола бошчилик қилаётган «Манчестер Сити» мавсумни 3 очко билан бошлади. Дэвид Моес мураббийлигидаги «Сандерленд»га қарши майдонга тушган жамоа Агуэронинг пенальтидан урган голи, шунингдек, 83-дақиқада майдонга тушган Макнейрнинг автоголи эвазига муваффақият қозонди.

Мамлакатнинг амалдаги бронза медали соҳиби «Тоттенҳэм» Рональд Куманнинг янги жамоаси «Эвертон» майдонида 2 очко йўқотди — 1:1. «Уотфорд» эса Куманнинг собиқ жамоаси «Саутгемптон» майдонида 1 очко ишлади. Бош ҳакам Рожер Ист меҳмонларнинг уч нафар футболчисини майдондан четлатган бўлса-да, «Уотфорд» рақиб ҳужумларига туриб бера олди.

АПЛда 1-тур беллашувлари 14—15 август кунлари давом эттирилади.

Англия Премер-Лигаси 1-тур беллашувлари 13 август, шанба

«Бёрнли» — «Суонси» 0:1

Гол: Лерой Фер, 82 (0:1).

«Кристал Пэлас» — «Вест Бромвич» 0:1

Гол: Саломон Рондон, 75 (0:1).

Мидлсбро» — «Сток Сити» 1:1

Голлар: Альваро Негредо, 11 (1:0). Жердан Шакири, 68 (1:1).

«Саутгемптон» — «Уотфорд» 1:1

Голлар: Этен Капу, 9 (0:1). Нетан Редмонд, 58 (1:1).Четлатишлар: Адлен Гедиура, 60 (У). Бен Уотсон, 76 (У). Эурельо Гомас, 87 (У). Виржил ван Дейк, 90+4 (С).

«Эвертон» — «Тоттенҳэм» 1:1

Голлар: Росс Баркли, 5 (1:0). Эрик Ламела, 59 (1:1).

«Манчестер Сити» — «Сандерленд» 2:1

Голлар: Серхио Агуэро, 4-пен (1:0). Жермейн Дефо, 71 (1:1). Патрик Макнейр, 87-авт (2:1).

14 август, якшанба«Борнмут» — «Манчестер Юнайтед»«Арсенал» — «Ливерпуль»

15 август, душанба«Челси» — «Вест Ҳэм»