Brent нефти нархи баррелига 46 доллардан ошди

2016 йил октябрида етказиб бериладиган Brent маркасидаги нефть нархи Лондондаги ICE биржасида 4,9 фоизга — баррелига 46,2 долларгача ўсди, деб ёзади «ТАСС» савдо маълумотларига таяниб. Нашр таъкидлашича, Brent котировкалари 22 июлдан буён биринчи марта баррелига 46 доллардан ошди.

Brent нефти, Халқаро энергетика агентлиги (ХЭА)нинг 2017 йилда нефтга бўлган халқаро талаб ўсиши бўйича прогнози пасайганига қарамай, қимматлашди. Хусусан, ХЭА августдаги маърузасида ушбу талаб прогнозини суткасига 100 минг баррелга камайтирди, июлдаги прогнозда бу кўрсаткич суткасига 1,2 миллион баррелга тенг эди.

Агентлик прогноз қилишича, 2017 йилда жаҳон талаби ҳажми суткасига 97,5 миллион баррелни ташкил қилади. Шу билан бирга, ХЭАнинг 2016 йилдаги нефтга бўлган жаҳон талаби бўйича прогнози суткасига 96,3 миллион баррель даражасида сақланиб қолди, бу 2015 йилдагидан 1,4 миллион баррелга ошиқроқ демакдир.