2018 йили Россияда бўлиб ўтадиган футбол бўйича Жаҳон чемпионати саралашининг учинчи босқичига тайёргарлик кўраётган Ўзбекистон миллий терма жамоасининг расмий ўйинлар олдидан Буркина-Фасога қарши ўртоқлик учрашуви «Пахтакор» стадионида ўтказилади, деб хабар бермоқда Ўзбекистон футбол федерацияси матбуот хизмати.
Аввалроқ ушбу учрашувни ўтказиш учун «Бунёдкор» стадиони танланган эди. Бироқ мазкур стадион 1 сентябрь куни Сурияга қарши бўлиб ўтадиган ЖЧ–2018 саралашининг учинчи босқичи доирасидаги дастлабки ўйинга яхши ҳолатда тайёр бўлиши учун, 24 август куни бўлиб ўтадиган ўртоқлик учрашувини айнан «Пахтакор» ўйингоҳида ўтказишга қарор қилинди.
Шундай қилиб, Ўзбекистон – Буркина-Фасо учрашуви 24 август куни «Пахтакор» стадионида, соат 20:00 да старт олади.
Маълумот учун, Ўзбекистон миллий терма жамоасининг навбатдаги йиғини 20 августдан бошланади.
Изоҳ (0)