Qualcomm компаниясининг Android-қурилмалар учун мўлжалланган чипларида заифлик аниқланди, у хакерларга почта, мессенжерлар ва банк дастурларига кириш имкониятини бериши мумкин, деб ёзади TJournal.
Исроилнинг Checkpoint компанияси маърузасида айтилишича, ҳужумга Android’да ишлайдиган 900 миллионта қурилма дучор бўлиши мумкин. Улар орасида, масалан, Samsung Galaxy S7 ва S7 Edge, BlackBerry Priv, Google Nexus 5Х, 6 ва 6P, HTC One M9 ва HTC 10, LG G4, G5, Sony Xperia Z Ultra ва бошқа смартфонлар бор.
Qualcomm чипидаги заифлик хакерларга зарарланган қурилмаларга нисбатан роот-ҳуқуқлар бериши, WhatsApp ва электрон почтадаги ёзишмаларни ўқиш, шунингдек, банк дастурлари паролларини билиб олиш имконини бериши мумкин.
Ҳозирча хакерлар заифликдан фойдаланишга улгурган-улгурмагани номаълум, аммо компания муаммони тузатишда ёрдам берувчи патчларни чиқарган.
Google вакили маълум қилишича, хавфсизлик тизимининг сўнгги янгиланмасини юклаб олган Android-қурилмалар фойдаланувчилари аниқланган тўртта багнинг учтасидан ҳимояланиб бўлган.
Изоҳ (0)