Бельгиянинг Шарлеруа шаҳрида полициячиларга мачете билан ҳужум қилган эркак асли жазоирлик бўлиб, илгари ҳам жиноятларда айбланган. Бу ҳақда, қироллик федерал прокуратураси баёнотига асосланиб, «ТАСС» хабар бермоқда.
33 ёшлик Жазоир фуқароси 2012 йилдан буён Бельгияда истиқомат қилиб келган. У умумжиноий қилмишлари билан полиция қайдларига тушган, лекин унинг террорчиларга алоқадорлиги ҳақида ҳеч қандай маълумот йўқ.
Ҳодиса 6 август, шанба куни кечқурун содир бўлди. Мачете билан қуролланган эркак шаҳар полицияси участкаси ҳудудига кириб олиб, «Аллоҳу Акбар» дея хитоб қилган ҳолда тартиб посбонларига ҳужум қилди. Оқибатда икки киши яраланди.
Ҳуқуқ-тартибот органлари ходимлари ҳужум қилган шахсни отиб ташлади, у кейинроқ олган жароҳатлари туфайли вафот этди.
Изоҳ (0)