Рио-де-Жанейро Олимпиадасининг биринчи ўйинида Хитой футбол терма жамоасини мағлубиятга учратган Бразилия ўз ҳисобига 3 очко ёзиб қўйганди. Жамоанинг етакчиси футболчиси Кристина мазкур ўйиндан кейин Олимпиада тарихига кирди.
Хитойга қарши беллашувдаги 3 та голдан бирига айнан 31 ёшли Кристиана муаллифлик қилди, деб ёзди «ТАСС». Бу унинг учун Олимпиадалардаги 13-гол эди, деб хабар берган Бразилия Футбол Федерацияси. 13 та гол эса Олимпиадада тўп сурган футболчилар орасида энг яхши кўрсаткич.
Кристиана учун Рио-де-Жанейро Олимпиадаси фаолиятидаги тўртинчисидир. У Афина—2004, Пекин—2008 ва Лондон—2012 ўйинларида ҳам Бразилия шарафини ҳимоя қилган. 2004 ва 2008 йилларда жамоаси билан кумуш медалларни қўлга киритган.
Изоҳ (0)