Касаба уюшмалари федерацияси кенгашида Халқаро молия корпорацияси делегацияси билан учрашув бўлиб ўтди
Ўзбекистон Касаба уюшмалари федерацияси кенгашида Ўзбекистон Респубикасида Болалар меҳнати масалалари бўйича мувофиқлаштирувчи кенгаш ва Халқаро молия корпорацияси делегацияси билан учрашув бўлиб ўтди. Бу ҳақда Касаба уюшмалари федерацияси матбуот хизмати «Дарё»га маълум қилди.
Учрашувда Ўзбекистон томони делегацияни мамлакатда Халқаро меҳнат ташкилоти ва Бутунжаҳон банки билан ҳамкорликда амалга оширилаётган тизимли ишлардан хабардор этди. Жумладан, ушбу ишлар доирасида меҳнат соҳаси, шу жумладан, қишлоқ хўжалигидаги энг муҳим тамойил ва ҳуқуқларни илгари суриш масалаларини ўз ичига олувчи муносиб меҳнат дастури амалга оширилаётганлиги таъкидланди.
Ҳозирги пайтда Халқаро меҳнат ташкилотининг Мувофиқлаштирувчи кенгаш кўмагида қишлоқ хўжалигида ишчи кучини ёллаш тажрибасини тадқиқ этиш ишлари якунига етган.
Ўзбекистон вакиллари ҳукуматнинг тизимли фаолияти натижасида меҳнаткашларнинг энг муҳим ҳуқуқларига риоя этилиши бўйича аниқ чоралар қабул қилинаётганлигини таъкидлади.
