Леонардо Ди Каприо дўсти ва «Уолл-стрит бўриси» фильмидаги ҳамкасби Жона Хиллни чув тушириш учун Нью-Йорк кўчаларидан бирида папарацци қиёфасига кирди. Бу ҳақда TJournal маълум қилди.
Ди Каприо тўсатдан Жонанинг олдига югуриб келди ва уни смартфонида суратга ола бошлади. Аввалига Хилл саросимага тушиб қолди, бироқ ўзига келгач, икки актёр кулиб юборди ва бир-бирини бағрига босди.
«Уолл-стрит бўриси»дан ташқари актёрлар турли тадбирларда бирга пайдо бўлади. Масалан, 2014 йил январида Ди Каприо ва Хилл Saturday Night Live шоусида «Титаник» фильмидаги машҳур кўринишни тасвирлаб берганди. Шу йил бўлиб ўтган «Олтин глобус» маросимида эса Хилл «Омон қолган» фильмидаги роли учун мазкур мукофотга номзоди қўйилган Ди Каприога шама қилиб, саҳнага айиқ либосида чиққанди.
https://youtu.be/OGG4YktdQhc
Изоҳ (0)