Халқаро олимпия қўмитаси сессияси ташкилот Ижроқўмининг 24 июлдаги Россия спортчиларини Рио-де-Жанейро Олимпиадасидан четлаштирмаслик ҳақидаги қарорини қўллаб-қувватлади. Қарор ташкилотнинг 2 август куни иш бошлаган 129-сессиясида қабул қилинди, деб хабар беради «ТАСС».
Сессия доирасида ХОҚ аъзолари Рио-де-Жанейродаги Олимпия ўйинларидан сўнг халқаро аксилдопинг тизимини қайта кўриб чиқиш чақириғига қўшилди. Илгарироқ ХОҚ 21 июнь куни ўтган Олимпия саммити доирасида Бутунжаҳон аксилдопинг агентлигининг (WADA) навбатдан ташқари саммитини тўплаб, соҳа муаммоларини муҳокама қилиш таклифини берган эди.
Изоҳ (0)