Парашютчи Люк Эйкинс самолётдан сакраб, парашютни ишлатмасдан, ерга муваффақиятли қўнган биринчи одам бўлди, дея хабар бермоқда «Интерфакс».
Эйкинс 20 қаватли бинога тенг баландликка ўрнатилган, футбол майдонининг тахминан учдан бир қисмига тенг тўрга келиб тушди, шундан сўнг ундан чиқиб, хотини ва фарзандини қучди.
Ерга сакраш учун самолётга ўтиришдан аввал Эйкинс унга парашют тақилганини, аммо уни қўлламоқчи эмаслигини айтди. Кейинроқ, осмонда вақтида у парашютни ечиб ташлади.
У тахминан икки дақиқа давомида ҳавода бўлди, сўнг ерга томошабинлар олқишлари остида қўнишдан олдин чалқанча ҳолатга ўтиб олди.
«Агар асабийлашмаганимда бу тентаклик бўларди», — деди спортчи ерга қўнгач.
Дунёда ҳали ҳеч ким бажаришга уриниб кўрмаган трюк Fox телеканали орқали тўғридан-тўғри эфирда намойиш қилинди.
Изоҳ (0)