АҚШ махсус хизматлари собиқ ходими Эдвард Сноуден смартфонлар учун махсус ғилоф ишлаб чиқмоқда, у махсус хизматларга қурилманинг эгасини яширинча кузатиш имконини бермайди. Бу ҳақда янги ғоялар муҳокама қилинадиган PubPub интернет манбасига таяниб, «ТАСС» хабар берди.
Сноуден ушбу лойиҳа устида америкалик дастурчи Эндрю Хванг билан ҳамкорликда ишламоқда. Улар журналистлар учун махфий кузатувдан ҳимоя қиладиган, шунингдек, кимдир уларнинг қаерда эканлигини аниқлашга уринаётганини билдирадиган қурилма яратишни исташини маълум қилди.
Ғояга кўра, фойдаланувчилар ўз смартфонини авиарежимга ўтказиб, махсус ғилофга жойлаши керак бўлади. Шунда қурилма ахборот узатишдан бутунлай тўхтайди, кимдир смартфонни бузиб киришга уринса, ғилоф тегишли сигнал орқали хабардор қилади.
Изоҳ (0)