Теннис бўйича Ўзбекистон термаси Дэвис Кубоги плей-офф босқичида Швейцарияга қарши баҳс юритади

Теннис бўйича норасмий жаҳон чемпионати ҳисобланган Дэвис Кубоги Жаҳон гуруҳининг плей-офф босқичига чиққан 14 терма жамоа иштирокида қуръа ташлаш маросими бўлиб ўтди, деб хабар бермоқда «Sports.uz».

Унга кўра, Осиё/Океания минтақалари иккинчи саралаш босқичи доирасида Хитой терма жамоасини 3:2 ҳисобида мағлубиятга учратган Ўзбекистон термаси Жаҳон гуруҳи плей-офф босқичида Швейцария терма жамоасига қарши Тошкентда баҳс юритадиган бўлди.

Жаҳон гуруҳи плей-офф босқичида қуйидаги терма жамоалар ўзаро куч синашади:

Ўзбекистон – Швейцария;

Бельгия – Бразилия;

Австралия – Словакия;

Канада – Чили;

Ҳиндистон – Испания;

Япония – Украина;

Германия – Польша.

Барча плей-офф учрашувлари шу йилнинг 16–18–сентябрь кунлари номи биринчи ёзилган мамлакатлар мезбонлигида бўлиб ўтади.