Клублар ўртасидаги Осиё Чемпионатида Ўзбекистон шарафини ҳимоя қилаётган «Олмалиқ» футзал клуби чорак финалга бирорта ғалабасиз йўлланма олган учта клубдан бирига айланди.
3 та жамоа иштирок этаётган «B» гуруҳидаги 1-турда Эрон чемпиони «Тасисат Дарёий»дан 3:4 ҳисобида енгилган «Олмалиқ», 2-турда Ливан чемпиони «Ал Майдин» клуби билан 2:2 ҳисобида дуранг ўйнаганди.
Эрон ва Ливан чемпионлари ўртасидаги беллашув натижаси «Олмалиқ»ни чорак финалга олиб чиқди. Учрашувда форслар 6:2 ҳисобида зафар қучганидан кейин «Олмалиқ» тўплар нисбатига кўра гуруҳни ўйинларини 2-ўринда якунлади.
«А» гуруҳида иштирок этаётган Япония чемпиони ва «C» гуруҳидаги БАА чемпиони ҳам чорак финалга ғалабаларсиз йўлланма олди.
Осиё Чемпионатининг чорак финал беллашувлари 19 июль куни бўлиб ўтади. Унда «Олмалиқ» мусобақа мезбони — Таилданднинг «Чонбури» клубига қарши кураш олиб боради. Тай клуби турнирнинг «А» гуруҳини Япония ва Австралия чемпионларини мағлуб этиш билан якунлаганди.
Изоҳ (0)