Путин Меркель ва Олландни Варшава саммитида Украинага таъсир ўтказишга чақирди

Россия президенти Владимир Путин Германия канцлери Ангела Меркель ва Франция президенти Франсуа Олланд билан телефон орқали мулоқот қилди. Бу ҳақда, Кремль сайтидаги хабарномага асосланиб, «Газета.ru» маълумот берди.

Суҳбат давомида Украинадаги вазият муҳокама қилинди. Томонлар Донбассда тинчлик режимининг бузилиши муносабати билан ташвишдалигини билдирди.

Шу билан боғлиқ равишда Путин суҳбатдошларини НАТОнинг Варшавадаги саммити чоғида Украина президенти Пётр Порошенкога таъсир ўтказиб, Минск келишувлари ижросини таъминлашга чақирди.