Аргентинада эркакнинг ўз оиласига пичоқ билан ҳужум қилиши оқибатида 6 киши ҳалок бўлди
Аргентинанинг Некочеа шаҳрида яшовчи Роберто Даниэль Весино вояга етган фарзандлари ва собиқ хотинига пичоқ билан ҳужум қилди. Прокурорнинг 7 июль, пайшанба куни маълум қилишича, жиноят оқибатида беш киши, жумладан, унга халақит беришга уринган қўшни ҳалок бўлган. Бу ҳақда «ТАСС» хабар берди.
Эркакни қўлга олишга уриниш чоғида бир нафар тартиб қўриқчиси яраланган. Полициянинг қўшимча кучи етиб келгандан сўнг Весино ўз жонига қасд қилган.
Ҳужум содир этилганда уйида бўлмаган жиноятчининг қизи журналистларга отаси хотини ва болаларини бир неча марта калтаклаганлигини маълум қилди. Бироқ прокурорнинг сўзларига қараганда, қабристонда нозир бўлиб ишлаган Весинодан полицияга шикоят қилинмаган.
Ҳуқуқни муҳофаза қилиш органлари ҳодиса юзасидан суриштирув олиб бормоқда.
