Эронда юқори миқдорда маош олган мансабдорлардан пул маблағлари мусодара қилина бошлади, деб ёзади «ТАСС» Ислом Республикаси суд ҳукумати расмий вакилига таяниб.
Унинг сўзларига кўра, Миллий тараққиёт фонди Бошқарув кенгашининг тўрт нафар собиқ аъзоси давлатга 1 миллиард туман (тахминан 285 минг доллар) қайтарган. Фонд раҳбариятининг истеъфога чиқарилган бешинчи аъзоси эса айни пайтда чет эл сафарида бўлиб, қайтганидан сўнг ундан ҳам даромадининг бир қисми олиб қўйилади.
Эрон Ҳисоб палатаси даромадлари ошиқча бўлган 900 шахсдан иборат рўйхатни тузган, аммо ҳозиргача суд ҳукуматига нефть вазирлиги ходимлари рўйхатигина тақдим этилган, у 50 кишини ўз ичига олади. Гумонланувчиларнинг қолганларига нисбатан аудит текширувлари давом этмоқда.
Изоҳ (0)