«Ўзбекистон» телеканалида 30 июнь, пайшанба куни соат 18:10 да чинозлик Аҳмадбой номи билан танилган Аҳмаджон Турсунбоевнинг ноқонуний хатти-ҳаракатлари, у ташкил этган ва фаолиятига чек қўйилган молиявий пирамида ҳақида «Аҳмад васвасаси» номли кўрсатув эфирга узатилди.
Унда Аҳмаджон Турсунбоевнинг ўзидан бир қатор иқтибослар келтирилди. «Боши берк кўчага кириб қолиб, кейин чиқиб кета олмадим. Орқага йўл йўқлигини билардим», — деди Аҳмаджон Турсунбоев.
«Уникини бунга, буникини унга бериб, шу ишга кириб кетганман. Банкротга учрадим. Пул етказиб бера олмадим. Аста-секин [фаолият кўлами катталашиб] кетди. Айни вақтда қанча одам [қамраб олинганини] билмайман», — деди Аҳмаджон Турсунбоев.Кўрсатувида қайд этилишича, Аҳмаджон Турсунбоев бошлиқ уюшган гуруҳнинг ноқонуний хатти-ҳаракатларидан жабр кўрганлар сони «бир неча ўн мингни ташкил этади».
«Ўнта заводи бор одам ҳам буни эплай олмайди. Яширмайман, мен бу ўйинга кириб қолганман ва ундан чиқиб кета олмаганман», — деди Аҳмаджон Турсунбоев.«Аҳолидан узр сўрайман. Қилган ишимдан пушаймонман», — дея қўшимча қилди Аҳмаджон Турсунбоев.
«Аҳмад васвасаси» кўрсатуви 19:15 да «Тошкент» телеканалида, 20:20 да эса «Ёшлар» телеканалида такроран намойиш этилади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)