Яқин 15 йил ичида дунёда 69 миллион бола беш ёшга етмасдан, даволаш ва олдини олиш мумкин бўлган инфекция ва хасталиклардан вафот этиши мумкин. Бу ҳақда ЮНИСЕФнинг охирги ҳисоботида қайд этилган, дея хабар бермоқда «РИА Новости».
БМТ Болалар жамғармасининг маълумотларига қараганда, 2030 йилгача 750 миллионга яқин ёш қиз турмушга узатилади, 167 миллион бола камбағалликда яшайди. Ҳисобот муаллифлари энг муаммоли ҳудуд сифатида Саҳрои Кабирдан жанубдаги Африка мамлакатларини қайд этди. Ушбу ҳудудда юқоридаги 69 миллион бола ўлимининг ярмига яқини тўғри келмоқда.
Ҳозирги пайтда кўрсатилган ҳудудда камида 247 миллион бола, яъни учдан икки қисми камбағал шароитда яшамоқда ёки ривожланиш шарт-шароитларидан маҳрумдир. 20—24 ёшдаги 60 фоиз одам тўрт синфгача бўлган таълимга эга эмас.
Изоҳ (0)