Хитойда кўргазма очилганидан бир соат ўтиб, ёш бола 15 минг долларлик Lego ҳайкалини синдирди, дея хабар бермоқда «Газета.ru». Воқеа Нинбо шаҳрида юз берди.
Lego Expo кўргазмасидаги экспонатлар орасида «Ҳайвонлар шаҳри» (Zootopia) мультфильми қаҳрамони — Ник исмли тулкининг улкан ҳайкали бор эди. Муаллиф уни яратиш учун уч кун вақт сарфлаган. Аммо уни кўргазмага ташриф буюрган болакай синдириб қўйган.
Ўйинчоқ тулкининг нархи 100 минг юанга баҳоламоқда (15,2 минг доллар). Болакайнинг ота-онаси ҳайкал муаллифига товон пули таклиф қилди, бироқ у бундан бош тортди. У бола ҳайкални синдириш ниятида бўлмаганига ишончи комил.
Изоҳ (0)