АҚШ Қуролли кучлари стратегик қўмондонлиги ҳам КХДР томонидан ўрта масофага учириладиган баллистик ракетанинг муваффақиятсиз синовини қайд этди. Бу ҳақда қўмондонлик вакили Мартин О’Доннел маълум қилди, дея хабар беради «ТАСС».
«АҚШ стратегик қўмондонлиги 30 май куни Вонсан шаҳрида Шимолий Кореянинг ўрта масофадаги баллистик ракетаси муваффақиятсиз учирилганини қайд этди. У Шимолий Америка учун ҳеч қандай хавф туғдирмади. Биз КХДР ҳаракатларини диққат билан кузатишда давом этмоқдамиз», — дея таъкидлаган О’Доннел.
Эслатиб ўтамиз, Япония ташқи ишлар вазири Фумио Кисида Шимолий Кореянинг ракета учиришга навбатдаги уринишини «провокация» деб атади.
Изоҳ (0)