Янги Зеландия соҳилларида 5,7 магнитудали зилзила юз берди

Янги Зеландия соҳилларида 5,7 магнитудали зилзила юз берди. Бу ҳақда, Европа—Ўртаер денгизи сейсмологик маркази маълумотига таяниб, «ТАСС» хабар бермоқда.

Марказнинг маълум қилишича, ер силкиниши эпимаркази Фангареи шаҳридан 933 километр шимоли-шарқда, ўчоғи эса 30 километр чуқурликда жойлашди.

Қурбонлар ва вайронагарчиликлар ҳақида хабарлар келиб тушмаган. Цунами хавфи эълон қилинмаган.

Янги Зеландия соҳилларида вақти-вақти билан сейсмик фаоллик кузатилади.