Америкалик экстремал Жеб Корлисс вингсьют — махсус учиш кийимида соатига 200 километр тезликда Буюк Хитой деворини ошиб ўтиб, олдиндан белгиланган жойга мустаҳкамлаб қўйилган нишон — бир варақ қоғозни аниқ мўлжалга олди. Бу ҳақда TJournal хабар бермоқда.
40 ёшли спортчи мазкур парвозга 10 ой тайёргарлик кўрди. У парвоз йўналиши ва нишонга бориб етиш бурчагини ишлаб чиқди, АҚШ ва Швейцарияда сакрашни машқ қилди.
Корлисс шу пайтгача Париждаги Эйфель минораси, Рио-де-Жанейродаги Исо Масиҳ ҳайкали ва Куала-Лумпурдаги Петронас минорасидан сакрашларни амалга оширган.
https://youtu.be/BtkIF-ABpNM
Изоҳ (0)