Польшанинг йирик шаҳарларида хавф-хатар ҳақидаги ёлғон хабардан сўнг туркум эвакуациялар амалга оширилди. Бу ҳақда «ТАСС» хабар бермоқда.
Варшава, Краков, Катовица, Вроцлав, Ольштиндаги офислар ва савдо марказлари, шунингдек, «ТВП» ва «ТВН» телеканаллари биноларида эвакуация ўтказилган. Мазкур муассасаларнинг барчасига 27 май, жума куни маҳаллий вақт билан 13:00 атрофида тайёрланаётган портлаш ҳақида электрон почта орқали хабар келган. Ушбу манзилларга чақирилган хавфсизлик хизматлари ҳеч қандай шубҳали буюмларни аниқламади.
Ҳуқуқ-тартибот идоралари ёлғон хабарлар йўллаган кимсани қидирмоқда, у 8 йилгача бўлган муддатга озодликдан маҳрум этилиши мумкин.
Изоҳ (0)